【本報訊】一名疑患心臟病六旬男子，昨凌晨在大埔廣福邨住所捱夜睇歐國盃賽事，之後被家人發現倒伏地上猝死。有醫生提醒，通宵睇波對身體造成一定壓力，呼籲市民避免過度捱夜。
猝死男子廖福志（62歲），疑有心臟病及吸煙，與前妻及前外母，同住廣福邨廣祐樓，家人指他最近經常捱夜觀看歐國盃賽事。昨凌晨2時許，廖如常睇波，至清晨6時許卻倒伏地上，家人誤會事主「隨地瞓」未有理會。至昨晨11時許，前外母查看發現廖全身冰冷，急忙通知姓黃女兒（49歲）報警，救護員到場證實廖已死亡。死者原本任職地盤，前妻在內地師範畢業，曾在珠海教中學，黃女來港後，任普通話私人教師。
醫生︰適可而止
急症室專科醫生馮顯達指，通宵睇波會對年長煙民及心臟病患者構成壓力，可能令人猝死。馮醫生呼籲，捱夜要適可而止，睇波時亦不要飲太多啤酒，或進食過量零食。