【倫敦直擊】眾候選香港小姐前日着背心短裙喺英國倫敦CarnabyStreet街頭拍攝，噚日有讀者爆料，話舅公係導演張堅庭嘅張名雅，09年參選溫哥華華裔小姐不敵岑麗香屈居亞軍，翌年大會邀請新一屆華姐出席活動，張名雅竟然不請自來，目的係博龍友影相，大會工作人員同司儀都覺得佢唔尊重其他佳麗。
至於湯鎮業姪女湯洛雯，第一日到倫敦就飛釘，佢解釋話：「一定唔會，我做模特兒時學晒所有防走光措施，貼晒膠紙，仲戴咗兩個胸圍。」
湯洛雯有自信
眾佳麗喺香港時間噚日首度着泳裝亮相，隊長湯洛雯話會同隊員研究策略：「全部都係自選泳衣，我揀咗件三點式。」「翻版陳妍希」陳潔玲被指割雙眼皮同削鼻，佢話：「雙眼皮係天生，面試時評判已話我鼻大，家打咗鼻影，化妝可以補救好多不足。」
曾流出慾照嘅鍾麗話，泳衣環節唔係佢強項：「我唔係成日着泳衣，更唔習慣喺咁多人面前着。」
若讀者知道這班入圍佳麗的底細，歡迎電郵至mailto:[email protected]報料。