【本報訊】「牙痛慘過大病！」一名貨車司機忍受牙痛之苦，服止痛藥後駕車擬往醫院看醫生，在荃灣楊屋道卻因避車失控撞向路旁的私家車及貨車，私家車慘變三文治頓成廢鐵，幸當時兩車內無人，肇事貨車司機亦無受傷，卻「牙痛咁聲」怒罵無良僱主拒讓他放病假，以致他精神欠佳釀車禍。
昨凌晨零時許，32歲姓謝男子駕駛運送清潔用品的貨車，沿荃灣德士古道左轉楊屋道時，因閃避從後駛至車輛，失控撞向停泊路旁的私家車，私家車被推前直插前面大貨車車底，私家車頓變三文治儼如廢鐵，幸陳姓私家車司機，當時在附近工廈工作，逃過一劫。
怒罵僱主無良
肇事謝姓貨車司機亦無受傷，他事後表示連日受牙痛之苦，「醫生叫我唔好開工，寫咗兩日假紙畀我，我瞓唔到覺，無良僱主話牙痛都可以返工……佢畀壓力我，要返工囉！我唔夠精神，食咗藥，諗住攞咗車再去醫院睇醫生，我身不由己……」