賭王千金何超蕸（Maisy）昨日現身會展，出席公益金年度頒獎典禮，同場還有東亞太子爺李民橋和余錦基兄弟等人出席。Maisy透露父親去年90大壽將賀禮捐出，獲得籌款第二名，故代表賭王領獎，她說：「上年生日籌到多啲，捐多啲咪開心啲，老人家福有悠歸，係集合家人同公司，自己都冇數有幾多，爹哋知道好開心，高興籌到個大數目。」
Maisy透露父親節將會一家人與父親食飯慶祝，她更透露賭王近日精神飽滿。提到與千嬅是好友，她已探望靚B仔Torres，問到她會否與Torres上契，她表示：「佢好靚仔，買咗少少心意畀佢，佢太多朋友，上契唔輪到我。」
採訪：林嘉慈
攝影：陳慧安