雖然被《中國商報》和《中聯辦》指為假冒，但「中國商報駐港辦事處」仍肆無忌憚地公開運作；為揭這家「報社」底蘊，記者扮成一家設計公司負責人，引來該社資深採訪員黃有信，在酒店採訪。
年約60歲的黃有信，帶着錄音筆來做專訪，過程似模似樣，但記者發現錄音筆根本沒開，「呢本嘢（專刊）對你哋係有好處！」黃拿出幾本特刊，又打開名人訪問篇幅，然後遞上廣告價目表（3至10萬），並強調：「我哋係佢哋（中聯辦）分支。」
數天後，記者答應落廣告，並到上環辦公室交錢；同時另一名《蘋果》記者，也表明身份往上址採訪。當時《中國商報》內有三名員工，包括黃有信和坐在他身後的「總編輯」及一名女職員；黃有信及總編輯一聽是《蘋果》記者，即方寸大亂，總編輯一邊自稱「兼職寫手」一邊解釋：「中國政治好亂，溫家寶啲親戚開窗口公司，你問溫家寶有冇份，佢實話冇㗎……，我哋有呢啲背景，但唔會講出去！」
特刊收廣告費近300萬
逃出門外的黃有信，則急急向記者補鑊：「做呢啲刊物有幾家，大公、文匯、商報……，同行如敵國，我哋係俾人誣衊。我哋身份係暗啲，依家好敏感，香港呢段時間好多人對中聯辦有一種反感，有人想借意向中聯辦潑黑油。」其後又說：「我識內地（中國商報）大股東，呢度係佢哋分支，第時帶你上去介紹啲高官畀你識。」
這「報社」06年至今出版過五本特刊，包括《中華人民共和國成立60周年》及《回歸十二周年》等。記者發現，其09年印製的《慶香港回歸十二周年祝願祖國繁榮昌盛》，圖文竟將文匯、大公及經濟日報的新聞搬字過紙；但大公司刊登的「賀啟」卻相當多，記者按其廣告價目表計算，一本特刊廣告費已近300萬元。
《蘋果》記者