黎諾懿和朱慧敏在無綫劇《愛．回家》演鬥氣寃家，基於兩人均屬健談口多一族，一拍即合，由戲內鬥到戲外，言談間句句有骨。朱慧敏自言不及黎諾懿反應快，你一言我一語，容易被比下去。
無綫處境劇《愛．回家》正上演，有半年沒有在無綫拍劇的黎諾懿，早前在無綫鬧小生荒之時被急召回巢救亡，而在無綫有份參演的劇集稍後將陸續推出，今次在《愛》劇中飾演賴皮師爺，與演事務律師的朱慧敏一碰頭，便口不擇言，舌劍唇槍。
太熱情易惹緋聞
朱慧敏為了突出角色，刻意剪短留了多年的長髮，角色背景跟她現實相似，她說：「同現實一樣，講我係選美出身，又成日俾人質疑，實際生活我都經常惹人質疑，易惹緋聞，可能我對人太熱情。」
眼見朱慧敏與拍檔黎諾懿的溝通都十分爽直，你一言我一語，朱慧敏笑言：「大家都好健談，但講笑我唔夠佢嚟，冇佢反應咁快，但對多啲可以了解多啲，增進感情，當然唔係講愛情火花啦。」身旁的黎諾懿即心直口快說：「咁你都唔係我對象。」兩人戲裏戲外同樣愛鬥嘴。
黎諾懿去年在湖南衞視《舞動奇迹》第三季獲得冠軍後，被人稱舞王，迷倒不少內地粉絲，開拓了內地巿場，賺錢機會頻生。
飲水思源撐娘家
黎諾懿說：「內地搵人仔係好，但無綫娘家叫到，我都要返嚟幫手，以前自己只係得無綫一個，曾經好擔心，但家選擇多咗，出去兜個圈，眼界會闊好多。」
採訪：卓寶花
攝影：葉君海
服裝提供：TedBaker
