蘇志威是草蜢之中最多搞作的，繼與朋友合資開跳舞學校後，早前又跟朋友投資做男士結婚禮服及行政人員訂做服店。蘇志威平時做騷及做節目都有機會穿華麗禮服，這次可自己做生招牌，他又跟自己舖頭附近的新娘婚紗店店員混熟，店員表示會介紹生意給他，蘇老闆絕非浪得虛名。
蘇志威之前開了跳舞學校，早前又與朋友合資開男士結婚禮服店，店舖位於尖沙嘴開滿婚紗店的街道，偏偏專做男士服的店卻不多，蘇志威說：「好多朋友結婚，都話婚紗舖只係專注做新娘服裝，新郎就冇乜特別嘢可以揀。變咗結婚時只有公主配青蛙，青蛙冇靚禮服做王子，同朋友傾傾吓就決定開專幫新郎造衫嘅舖頭。」
做貼身服務
追求華麗的蘇志威，其禮服店的禮服款式也不會只是傳統簡單，而且他們服務多元化，禮服可租可買，更有裁縫師為客人度身訂做行政服、西裝。蘇志威說：「會貼身照顧男士，乜都可以包辦，就算客人只着內褲嚟，我哋都可以幫佢裝扮到好靚。」
行家好介紹
間中到店舖打點的蘇志威也成為生招牌，他說：「早排有個男仔嚟試結婚禮服，佢試咗套粉紅色嘅，我都提議佢着嗰隻色，佢話係睇見我着所以先揀。我唔會經常嚟舖頭，但造衫品質、手工我都留意住。」
自己做生招牌，店舖網頁luxetuxedo.com也是由蘇志威真人示範，而且他也不愁沒生意，店舖附近都是專營新娘禮服的店舖，蘇志威已跟他們打好關係，他說：「我哋做過調查，附近主要做女仔生意，而且我哋都同佢哋熟晒，相處好融洽，佢哋話如果有男仔嘅生意，會提議佢哋過嚟我呢度。」
採訪：王連連 攝影：陳慧安