發展局局長林鄭月娥突然提出要研究終止丁屋政策，多名熟識林太的政界中人指，其實早在林太上任不久，已私下透露要解決丁屋問題，只是特首曾蔭權怕得罪鄉議局，加上北京及中聯辦干預才無法提上議程，相信林太一旦出任政務司司長，必會把此議題視為任內主要工作之一，但恐怕不易獲梁振英支持，甚至會成為兩人的矛盾。
倘林鄭上場必出手
有多名政界人士透露，早在林太上任發展局局長不久，她與部份政界及立法會議員見面時，已提及任內想研究解決丁屋問題，「佢（林鄭月娥）話新界鄉村地越來越少，一定要諗方法處理」。
林太最終未有動手，全因特首曾蔭權不支持她觸動此政治炸彈，「曾蔭權根本唔畀佢搞，因為鄉議局有中聯辦撐腰，有乜事又走去北京告狀，曾蔭權梗係唔畀林太搞」。
不過，該名政界人士相信，林太這時高調說要研究終止丁屋政策，等同宣佈她出任政務司司長後，必定會親自處理有關問題，「林太佢講得出，就必定會做」；然而梁振英獲中聯辦支持才能當上特首，已是公開秘密，鄉議局又是中聯辦在港重要「政治盟友」，「佢（林鄭月娥）打鄉議局，即係打中聯辦，咁搞一定同梁振英有爭拗」。
支持解決丁屋問題的民主黨立法會議員李永達也同意，取消丁屋必定涉及複雜政治角力，「林鄭一搞丁屋問題，鄉議局就會四圍告狀，等於要面對中聯辦同北京嘅政治壓力」。
李永達估計，林太發表有關丁屋言論或有後着，「如果佢有同梁振英講，係咪梁振英支持佢咁做？若果冇，梁振英唔畀佢搞，到時佢兩個點拗呢件事，做定唔做好？」
《蘋果》記者