【本報訊】一輛校巴與一輛專線小巴，昨晨在九龍城太子道東兩度爭路，結果碰撞後小巴被一輛巴士撞翻，小巴與巴士共10人受傷，意外導致大塞車。其間有司機慢駛睇熱鬧，又導致三車相撞。
昨晨8時許，小巴駛至富豪酒店對開時，一輛滿載學童的校巴突然由快線切入，兩車發生碰撞，小巴司機立即扭軚閃避。此時九巴尾隨收掣不及撼向小巴，小巴隨即被撞翻。小巴和巴士共3男7女受傷（29至78歲），大部份人扭傷頸撞損手腳，傷勢不算嚴重。
睇熱鬧三車相撞
62歲姓鍾小巴司機直指校巴累事，他說當時兩車並排而行，在譽．港灣對開校巴企圖切線駛入但小巴不讓路。他說：「我行中線、校巴快線，佢cut埋嚟，我唔俾佢cut，後來行多百五米，佢再逼埋嚟再cut。我扭軚咪俾巴士撞囉！」59歲姓夏校巴司機則埋怨小巴不讓路，司機說：「我都cut咗三分一㗎喇，架綠van踩住上嚟，咁咪撞囉！」
意外發生後約10分鐘，對面東行線一輛七人車、私家車和貨車，因為有司機慢駛睇熱鬧導致三車相撞。
