【本報訊】漫天飛霜的六月，民怨從未如此沸騰過。六四集會人數創新高，中聯辦史無前例遭2.5萬人圍堵，追思旺陽的燭光燃亮皇后像廣場。今年7.1大遊行，我們會懷着良知與憤慨，向來訪的巨人發出怒吼。縱使內地稱已設專組調查李旺陽之死，但有從內地逃港的市民認為，共產黨慣了「講嘢唔算數」，堅持7.1向中共抗議。民陣預計，旺陽寃案會觸發更多人7.1上街。記者：白琳、彭美芳、梁德倫
法律界全體30名選委昨向港區人大代表發聯署函，要求人大運用其「特權」，向中央表達港人的悲哀與憤慨，要求展開高透明度的調查，「如他（一如大部份人所相信）並非自殺，有關當局必須將那些須對李先生之死負責的人繩之於法」。他們作為律師，極度關注法治與公義，在任何社會，人權都不應被「肆意踐踏」。
參與聯署的公民黨郭永鏗批評，內地當局折磨異見人士的手法違反國際人權公約多項條款，今次湖南省當局設專組調查，並不能釋除公眾疑慮，「即係自己人查自己人，我哋唔收貨。究竟個專組有咩專家、點樣調查、報告向邊個交代，都冇講清楚」。他公開呼籲港人7.1上街，向中央反映爭取中國法治的決心，「同類事件不斷發生緊，大家上街表達關心，係一種力量」。
「大家唔上街就冇力量」
旺陽寃死，勾起上一代人遭中共迫害的傷痛。白女士全家在文革時期遭批鬥、抄家、監禁，後來輾轉逃到香港，過了20年安穩生活。她現年65歲，弄孫為樂，鮮有上街，但今年也因為李旺陽寃案，決定參加7.1遊行，「睇到李旺陽單新聞，我就快激死！共產黨太殘忍。我有輕微中風，老公又細膽，今年7.1會自己喺外圍行，出一分力」。
白女士對內地當局成立專組調查旺陽寃案不以為然，因其家屬及律師仍然與外界失去聯絡，「我太了解共產黨，講嘢唔算數，畀甜頭人哋，斧頭仲犀利」。她批評梁振英怯於表態，毫無承擔，「表個態又唔駛死，你咁搞法盞做唔長。我都幾十歲，就快冇機會講。如果大家都唔上街，就冇力量，要畀共產黨呃到幾時？」
「梁振英邊有資格做特首」
民陣召集人黎恩灝預計，7.1遊行實際人數必定遠超原先申請的5萬人。連日港人堅持為旺陽討回公道，反映大家不單只追求本港雙普選，更希望推動中國民主。「六四同埋李旺陽事件，激發香港人嘅良知、對中國民主嘅渴望。曾蔭權都肯表態，梁振英一句說話都唔講。一個冇民意授權、冇道德勇氣嘅人，邊有資格做特首？」
政府已開始打壓7.1遊行，民主黨區議員陳樹英日前向兆康商場申請張貼三張海報，包括一款7.1遊行及兩款向政府爭取福利的海報，前者遭拒，後兩者獲批。她批評房署商場的政治審查日趨嚴重。房署回應稱，轄下商場沒有指定地方讓公眾張貼海報，需時了解陳樹英的個案。