真係唔好睇小啲代理，話就話搵錢可以好多，但係真係辛苦錢。入行兩年成為公司「跑數天后」，七年後仲做埋董事，點樣做得到？咁先要問吓自己平安夜做緊乜，除夕又喺邊呢？同屋企人燒嘢食？去時代廣場倒數？如果仲係跑緊數，咁你就有機成為數王數后嘞！
佳節當前賣緊樓
話說美聯物業董事郭玉滿（AK姐）接受《爽報》訪問，分享佢作為公司內唯一女董事嘅成功之路，AK姐話：「上位冇秘笈，做事堅持到最後一刻，堅持係唔會白費。」一句到尾，要勤力呀！
點先為之勤力？平安夜仲企喺樓盤門口，除夕都賣緊樓囉，嗰年佢簽單過百張，收佣超過400萬，仲攞埋銷售金額最高殊榮。就係呢份堅持，造就AK姐今時今日有半個九龍由佢揸fit，手下人數達到幾百人。