歌手出身的蕭正楠近年在無綫總算捱出頭，早前他接受訪問時笑說：「未㗎，仲要努力，不過已經好過以前。」曾轉戰內地的蕭正楠表示，當年要重新回歸香港娛樂圈，最初有點不習慣，幸好經過一段時間已能從新投入。回想當年做歌手的是非，當中以跟麥浚龍的不和最令人印象深刻，蕭正楠有感而發說：「以前真係機會好多，個個都縱到我飛起，跟住我都唔知自己發生乜事，淨係知每講一句說話都有人話，最差嘅新聞都喺晒我度，不過我覺得係一個好好嘅教訓。」
與蕭正楠一同受訪的鍾嘉欣，明顯幸運得多，但原來嘉欣一度受情緒困擾走入人生谷底，她說：「可能之前拍咗好多好悲慘嘅角色，再加上我本身性格好內向。」幸好嘉欣經朋友開解最終打開心結。
採訪：何慧斯 攝影：林德雄