藝人吳文忻與友人投資八位數字，引入韓國美容整形集團來港，昨日在銅鑼灣舉行開幕活動，梁小冰、黃婉君及陳淑蘭前來出席。吳文忻是第一代公開的「人造人」，問到現時不少整容藝人拒絕承認整容一事，她表示：「我覺得冇所謂，人之常情，如果有藝人需要保密我都會幫，我唔覺得做就一定要認。」問到她會再「修補」，她表示：「暫時冇需要，自己細過撞親，整到鼻折驚影響婚姻先去整，我相信八両金整到變劉華，佢嘅命運都會有影響。」
讚黃婉曼靚
問到吳文忻有否留意近日盛傳己整容的黃婉曼，她表示：「前幾日喺街見到佢，覺得佢幾靚，靚咪OK，唔使執着認唔認，有啲人天生可以生BB，家都好多人都人工受孕。」
此外，黃婉君透露極關注容貌，問到她會否接受整容：「家冇需要，大個啲有油脂皺紋都會考慮。」
採訪、攝影：盧妹