Mr.入行以來不斷被網民指他們抄歌，而早前的大碟更被指抄日本樂隊東京事變細碟《群青日和》封面。面對多次的指控，Mr.沒有憤怒，還多謝網民擴闊了他們的視野，因為網民所講的歌曲他們都未必聽過。
樂隊Mr.入行以來最多的新聞絕對不是緋聞，而是被指抄歌，每次新碟一出，很快就會有網民找出相似的歌曲，Alan笑言已習慣了，他說：「我哋最初真係會嬲，因為有畀心機去寫歌，咁音樂嚟嚟去去都係嗰幾粒音。不過從另一個角度去諗，我哋嘅歌令到網民有動力去網上搵歌，即係推動咗佢哋去聽歌，都係一件好事呀。」
「有冇咁蠢呢」
Dash指現時都不會太介意網民的批評，他說：「佢哋批評即係有留意我哋嘅歌，咁樣即係有人聽先啦，創作人最希望就係有人留意自己嘅作品。」Ronny就以第三者的角度去看這件事，他說：「其實有冇一隊band咁蠢呢，由第一隻碟去到第五隻碟都抄，仲要次次俾人捉到，如果真係咁唱片公司都無能啦，畀自己歌手咁做，總之我哋會接受理性嘅批評，唔會理人身攻擊的指控。」
明抄東京事變
MJ表示自己曾想過為何有此問題出現，而其中一個原因是有些band友覺得他們唱情歌是叛徒，他說：「邊個話夾band唔可以唱情歌㗎？邊個話band友唔可以着西裝？音樂係應該容納唔同嘅人，大家鍾意音樂就要包容，而唔係去攻擊。」榮升了爸爸級的Tom沒有太大火氣，他認為有批評是好事：「幾句說話打擊唔到我，反而更加激勵到我作曲，不過我最唔開心係幫我哋搞封面嘅朋友俾人話抄人哋封面。」
最後在拍照時，Mr.提議參照日本樂團東京事變細碟《群青日和》封面拍照，Dash笑說：「既然俾人話我哋抄，索性做番一模一樣影張相啦。」
採訪：李珮洳
攝影：陳慧安
髮型：WilsonWong（P.O.PHairDressing）
化妝：TessaChow
場地：SorrisoItalianCuisine
