經常現身娛樂版的林以諾牧師今年初在佈道會上發表反同性戀言論，事件辣㷫娛圈藝人，當中包括早前宣佈出櫃的黃耀明，原本聲稱身在外地的林以諾，前晚忽然高調接受商台《光明頂》訪問，並為言論解畫，更多次向受影響人士致歉。
作風高調的林以諾牧師今年初在佈道會上將同性戀與吸毒、賭博等罪行等同，由於有人將該段5分鐘的片段放上YouTube，即時辣㷫已出櫃的黃耀明及一眾藝人黃偉文、何韻詩及藍奕邦等。
前日林以諾透過助手指自己身處外地，不過前晚他卻忽然接受商台《光明頂》訪問，為其反斷背言論解畫。
林以諾強調整個演說達45分鐘，但YouTube只上載5分鐘，有斷章取義之嫌。提到他將同性戀形容成刑事罪行，他說：「重點唔係講刑事，宗教同法律要求有落差，聖經標準所有都係有罪，啲人聽到同性戀等同刑事罪一樣嘅說法，我都冇辦法，我唔係返嚟撲火，但係由大陸趕返嚟，冇想過咁大迴響。」
基督教唔接受
林以諾表示當日他向教徒演說，不要將同性戀行為凸顯成一個問題，他強調平日個人行為讓大家知道他的為人，自己亦曾接受認斷背的顏福偉和蘇施黃訪問，如果他是歧視，他相信這些人全部都會彈開。他坦言如果言論導致演藝界情緒不安，他為此致歉：「唔希望人哋覺得有一位牧師同基督教喺度迫害同性戀者。總之情緒化嘅講法我唔回應，社會有唔同取向應該尊重，同性戀喺基督教主流係唔接受，但對佢哋仍然表達愛同關心，但關心佢哋唔係因為同性戀，如過份關心就構成歧視。」
林一峰得啖笑
至於黃偉文暗示他勸某教徒歌手不要找自己作詞，林以諾否認其事，但承認如果寫基督教的歌會邀請教徒寫，因教徒才可了解教會精神。至於黃耀明希望同性婚姻合法化，他就避重就輕說：「任何人都可以提出訴求，要睇大眾社會接受，不過我自己覺得有啲危險，合法化會引伸好多問題，好似收養咁。」此外，曾認同性戀的林一峰昨日在上環接受訪問時表示香港是支持言論自由的地方，他對事件的總結只得三個字：「得啖笑！」
採訪：楊潔雯、李珮洳
攝影：仇志德