「我餘下任期仲有16日8個小時……」曾蔭權昨天回答議員提問時，多次為特首生涯倒數。最後一次出席立法會答問大會，他沒有再費心機裝模作樣哽咽道歉，少了以往的趾高氣揚，只是刻板地、機械式一問一答。他自言任內的功過，留給港人評價，七年特首生涯，有開心的時刻，亦有淒凉的時刻。
曾蔭權說：「因為我個人信仰嘅關係，實際上我每天都會做反省，呢三個月用嚟反省嘅時間每晚都長一啲。」卸任在即，才被揭連串貪腐醜聞，他嘆謂：「淒凉嘅時刻，呢三個月嚟差唔多日日都見到，日日都聽到……做到今時今日，仲有16日8個小時完結之前，我都希望再繼續學習。」說到開心的時刻，他認為是最低工資和政改方案通過的一刻。
被重提「吹口哨」瘀事
2005年3月，董建華「腳痛」落台，當時接棒在即的曾蔭權心情大好，被拍得在政府總部吹口哨。昨天經濟動力梁劉柔芬問他是否戒了吹口哨，會否提醒梁振英「千祈唔好做呢啲動作」。曾尷尬回應：「自從嗰次之後都停止吹口哨，自從去澳門之後，唔會同所謂嘅有錢佬去澳門，亦都盡量唔會坐私人遊艇、私人飛機……」他續道：「我好相信佢（梁振英）唔會犯我呢啲盲點。」
《蘋果》記者