天生愛睡，又長期缺睡的我，對住張床嘅時間一定係最多。於是乎，多年來早已對床這個課題產生濃厚興趣，到底我買緊嗰張床單用甚麼物料、有幾多針、洗完會否起毛頭等細節，入手前一定問到足。當然，身感舒服滑身固之然走唔甩，但Pattern圖案、顏色的講究同樣不能忽視，由枕頭套、被袋到床單都最好有「主題」。又於是，多年來已儲落不少珍藏。其中這套購自Francfranc的波點Bedding，上月一睇到已為雀躍，藍白色互襯，搶眼又長青，睇落已有種想瞓落去嘅衝動。這種投資，比起一件靚絕的衫褲，個人認為更值。
梓略
凡事不強求，買嘢一樣，擁有太多「監粗買」經驗，發覺辛苦的只是自己。戀愛亦然，好感不是愛，共勉之。