思捷環球（330）繼委任了全無零售經驗的鄧永鏞為財務總裁後，日前再同樣將全無前線零售營運經驗的柯清輝（圖）擢升為主席。有外資基金經理不諱言，對集團如此「破天荒」缺乏前線零售經驗的管理團隊全無信心。
傳柯熟內地富二代
該基金經理說：「沽晒貨嘆世界嘅邢生，同埋一手將思捷帶上高峯嘅高漢思，兩個做零售做到識飛，連啱啱走嘅主席，都叫做過零售企業麥德龍（MetroAG）行政總裁啦！柯生最多咪做咗16年思捷獨董，仲要因為佢係邢生高爾夫球波友先畀面做添！」
現年62歲的柯清輝，曾任恒生（011）副主席兼行政總裁，09年退休，其後出任中策（235）執董、行政總裁兼副主席，現亦為周大福（1929）獨董。有傳柯清輝於內地富二代間具一定人脈，故經常成為與香港富豪間的橋樑。