足球逐場睇逐場刨，尤其係歐國盃呢類大賽，隨時可轉軚唔使怕人笑，唔少波友都會試過開波買「細」，走地博「大」；賽前有A隊「主客和」過關叫糊，見勢色唔對，即場轉投博B隊對冲，各自精采，其實莊家最樂。英法上仗媾和，各有好評，皆未見真章；今戰分途，同讓平/半，唔易齊開上盤，2選1，小弟唔轉軚，續撐冠軍之選法國。
英格蘭上仗力迫法國，表現可人，國人收貨；今戰賽前心雄，鬥瑞典將帥齊聲叫"Attack,Attack,Attack"（攻擊），恰瑞典上仗反輸烏克蘭太屎？其實英軍今次參戰人腳極平凡，係主守下暫未暴露劇戰英超全季後體力不繼嘅後遺症，倒喺士氣上仍可是一大賣點，唔會好以荷蘭橙咁，各自為戰，做擁躉都覺得醜。呢場若和，等朗尼尾輪復出攻烏克蘭唔係壞事。
英軍上仗守得好，但淡定嘅法國不斷用幾準繩嘅中距離射門，圖破對手密集，有隊形得嚟踢法聰明耗力唔多，喺最後10分鐘再加大力進攻力度，見隊波幾有霸氣；烏克蘭同波蘭一樣場上充滿激情，同牽牛兄一樣唔信軍刀仲咁勁，上次臨場法國轉盤要讓英軍輸半格，今次同一盤口，希望收足全個復失。
從冇想過轉軚，對愛隊荷蘭爭霸有任何幻想；還好，若提早出局，尹佩斯可以唞唞，同阿仙奴傾吓續約，說不定真係下月尾嚟到香港踢爆棚表演賽，這個夢實際得多。
文：蘋果波神
今日心水
熱：法國（上）
冷：法國勝1:0、2:1