Ada撲奶粉錢餵巨B

Ada撲奶粉錢餵巨B

蔡少芬(Ada)經常將囡囡楚兒和老公張晉的生活趣味上載微博,分享做媽媽的樂趣。Ada早前以七位數字酬勞拍攝產後第一個廣告,更是嬰兒奶粉,可說是擺明搵奶粉錢,囡囡更獲贊助到停奶為止。
當日Ada和一名兩歲的小演員合作,拍足八小時,Ada發揮母愛,全程照顧小演員,她坦言湊女、抱女習以為常,她說:「個女出世時已經係重達九磅嘅巨B,並且十分貪玩,成日要我喺屋企抱住佢玩十個鐘都唔會厭,雙手早已習慣抱住小朋友,相比之下八個鐘其實唔算乜嘢。」Ada一提到女兒就開心,她甜絲絲說:「平時工作再攰,只要諗起囡囡,就會充滿力量再投入工作。」
撰文:唐如