徐濠縈、江若琳和周柏豪等昨日在尖沙嘴出席天梭表開幕。陳奕迅（Eason）稍後開演唱會，徐濠縈自爆一身票債，被朋友埋怨兼狂鬧，她說：「啲人鬧爆我哋兩公婆，問點解開得咁少場，我都係每場分到兩三行咋，我諗我啲飛債可以包一場自己分。唉，今次我都認冇face，真係買唔到。」
徐濠縈指只能將一年沒搵她的朋友拒之門外，Eason部份朋友都不能受理，她說：「包包（女兒康堤）補習老師、同學仔啲媽咪，呢啲唔可以cut，好難當聽唔到。」江若琳提到謝安琪盛傳簽約星煥，二人成為同門，她說：「如果係真，非常歡迎，家好多人，有欣宜又有農夫。」不介意謝安琪成為一姐？江若琳說：「我心目中冇一姐。」無視謝安琪？她說：「唔係，係唔會比較囉。」
採訪：梁錦雯
攝影：陳順禎