在台灣發展的歌手曹格將於8月4日來港假紅館舉行一場「SensationalSound」演唱會，昨日在尖沙嘴出席記者會，即場與樂隊jam歌唱足15分鐘，彰顯實力。曹格老闆羅傑承最近捲入澳門歐文龍案中，昨日未有現身，但曹格仍十分識做讚老闆惜才說：「多謝老闆，當大家當我係草時，老闆當我係寶。」
視乎反應加場
問曹格有否關心老闆的官司？他不敢多談：「唔清楚，我忙緊演唱會，但一定支持佢，我有官司佢都支持我。」曹格透露日前在羅傑承53歲生日派對上見過面，他說：「覺得佢氣息好好，希望演唱會時佢會嚟睇，唔係實嬲佢。」至於會否加場，則要視乎紅館前後檔期及歌迷反應。
採訪：馬建華
攝影：陳俊強