哈利列納（圖）做唔到英格蘭領隊，成個人都好似亂晒龍咁；雖然熱刺最終保住英超第4，但好衰唔衰車仔贏到歐聯，搞到球隊來季冇份踢歐聯。近日就傳出，哈利列納已經向熱刺請辭，不過列納接受訪問時就實牙實齒咁講，自己絕對唔會辭職，又話仲有1年合約㖭。但列納老謀深算，佢自己唔辭職啫，話唔埋其實就想博炒，攞番幾百萬鎊賠償金嘆世界都好吖。