噚日無綫高層樂易玲、區偉林帶領《金枝慾孽貳》嘅演員陳豪、蔡少芬、伍詠薇、黃德斌等，出席咗上海舉行嘅第十八屆上海電視節，因為呢個重頭劇係無綫重點宣傳，所以喺橫店拍緊外景嘅陳豪同蔡少芬等，專程搭咗五個鐘頭車去上海幫個劇造勢，佢哋仲即場同觀眾分享拍攝心得同幕後花絮，得啲粉絲鬼咁開心。