【本報訊】候任特首辦主管羅范椒芬為硬銷5司14局重組建議，再與議員「駁火」。當民主派昨日在立法會小組上質疑副司長可向司長「奪權」時，羅太即責備議員抱持陰謀論，更指不應巨細無遺監察政府。她的惹火言論辣㷫泛民，民主黨副主席劉慧卿駁斥，議員不監察副司長如何行使權力才是失職。
劉慧卿在立法會重組架構的小組會議上稱，當局提交的重組決議案並無觸及擬設的兩名副司長，「有乜理由唔寫得清清楚楚……係咪要出此下策？明人不做暗事」。
公民黨黨魁梁家傑也指重組似方便日後副司長向司長「奪權」，強調「家冇乜理由要百分百信任梁振英」，警告羅太：「你硬闖都要處理咗呢個問題先！」
劉慧卿：唔監察係失職
羅太最初稱議員想像力太豐富，死撐「揸弗人仍舊係兩位司長」，聲稱開設副司長並非要削弱司長的權力或者「以副制正」。議員其後多次跟進，羅太開始不耐煩地問：「你哋想監察到幾巨細無遺呢？」她更即場「教導」議員：「我相信立法會應該監察整個政府能夠為市民做到啲乜嘢、做出嚟嘅政策係咪好。」她反問：「政府內部運作好細微嘅嘢，係咪每一樣嘢你哋都要睇晒？呢個值得三思。」
劉慧卿不甘受辱，駁斥說：「一個副司長，仲高過局長，佢點樣行使佢嘅權力，立法會如果唔監察係失職！」羅太堅稱不可因為主觀憂慮而放棄應做的事。
候任特首辦秘書長劉焱最後打圓場，指議員可以監察。由於小組昨完成審議重組方案決議案，立法會可趕及在本月20日審議重組建議。