記者將急僭的「紅磚屋」外貌及內部裝修相片，給建造業總工會理事長周聯僑為樓宇的安全性作評估，周直指是「危樓」︰「建造次序上錯，技術用料也錯，係非常之危險！」他表示，建村屋要打30至40米地基，以牆內四支柱做基礎，「睇唔到有鋼筋，又無工字（鐵）拉住，無柱又無陣（橫樑），咁好危險，呢啲危樓點住人」。
周聯僑指出，裝修工人最大的謬誤是第一層內部的頂部未建成，便趕着砌磚，他估計工人想急於掃灰泥掩飾。過往亦曾收到類似投訴，裝修工人大多是無牌泥水工，缺乏建築知識，但他們再離譜也不會棄用「工字鐵」作鞏固，所以該「紅磚屋」建成後有塌下的可能。
「危」樓有價有市
僭建屋雖然「危」，卻有價有市。「如果兩年前租300幾呎要2,000、3,000蚊，家可能加到3,000、4,000蚊。」元朗地產代理說，下攸田村距離元朗西鐵站僅10分鐘步程，業主不愁無人租。而僭建的豪宅一樣賣高價，大埔的地產經紀指，洋房有天台屋或地牢等僭建物售價可多一成，以康樂園一個3,000呎單位計，原價2,700萬元，因有天台屋叫價近3,000萬元。《蘋果》記者