丁子高前日同老婆楊千嬅發放抱住啱啱出世嘅囝囝Torres一家三口溫馨照，而丁生舊愛譚凱琪（Zoie）噚日喺鴨脷洲出席活動，講到丁子高做老竇，Zoie都好戥舊愛開心。Zoie話：「送上最深情嘅祝福，佢好多嘢都有。」Zoie話自己仲未準備做媽咪，不過婚後一定會生BB。另外，陳逸寧就話等千嬅休養一排，再約埋演員一齊去探BB。