內地賺錢投資回報最高嘅私募基金一哥「九鼎投資」，創始合夥人黃曉捷最近嚟香港出席論壇，簡單直接講出中國能夠迅速躋身「強國」，成為全球第二大經濟體，全因中國人民都好似佢咁，有好強嘅賺錢慾望。
佢話自己去新加坡旅遊，好容易就分辨出內地人同新加坡華人，因為內地人臉上都充滿慾望，新加坡華人表現得安定祥和好多。
黃曉捷話，家若果按人均GDP計算，中國只係全球平均數嘅一半，簡直拖低人類發展速度。佢仲為九鼎訂下遠大目標，要成為全球頂尖嘅私募基金，如果唔得，佢會覺得係人生嘅失敗。黃曉捷覺得，國家家畀咗個咁好嘅環境同機會畀國民，呢一代人如果做唔到偉大嘅中國企業出嚟，實在愧對國家咁話。