今屆歐國盃波蘭作為半個主辦國，唔少國家隊嚟集訓之餘，都會參觀奧斯威辛集中營；德國納粹黨喺呢度屠殺咗超過一百萬人。意大利嘅腦殘巴洛迪利去完之後，都難得好嚴肅咁感慨萬千（圖）；佢話自己養母嘅曾祖父母，都係集中營嘅受害者，喺氣體室遇害。求大俠都好感慨呀，事關日前喺一啲極右網站上面，仲有人留言話因為巴洛迪利嘅養父母係有猶太人血統，要趕佢出意大利國家隊，唉！種族主義真係沒完沒了。