救個12碼啫，唔使搞到咁神化啩？波蘭喺第一場分組賽唔使輸畀希臘，後備入替嘅門將泰頓救到12碼（圖）絕對功不可沒；不過，克拉科夫有位大主教就話，係應該歸功於已故上任教宗、波蘭籍嘅若望保祿二世。大主教話：「我從自己嘅靈魂深處感受到，當時係佢幫咗我哋。」係咪咁神奇真係唔敢講，不過如果係真，唔知希臘可唔可以向歐洲足協投訴呢？