雲想衣裳：㗎星熱捧　獨賣東瀛銀樣

你愛日貨的原因是甚麼？手工仔細、用料紮實、良心設計？以上三者都可能是你甘心大破慳囊的原因，亦是寫照。兩位70後DressCode銀器店主John及Eric，為打造一片銀海天空，誠意引入日本獨家手做銀器，連日本藝能界都追戴，如同再追加多一個賣點。

記者：雷福財
攝影：周旭文
模特兒：[email protected]
化妝：呂旻熹
髮型：[email protected]

■Legend羽毛松石吊墜$3,968、Legend羽毛吊墜$3,668、銀鏈$968、Legend唐草松石手鈪$7,768、Parasite牛仔布恤衫$1,098、Vintage半框眼鏡$1,900

上月才開幕的DressCode，座落於長長的鴨巴甸街斜路上，門牌、外閘是黑色，門面稱不上Eye-catching，但一進入店內則現另一種感覺，以木牆和泥牆為主，配合懷舊的棕色沙發和木製吊燈，加上澄黃的燈光，是兩位店主口中最愛的Vintage風格。
早已擁有旺角信和及銅鑼灣東角兩店賣非日本品牌銀器，對香港潮人口味有一定認識，於是專注只做日本獨家手做銀牌，如Eric口中日本頂級品牌Legend、Dualflow、BigBlackMaria（BBM）、Parasite、OZAbstract等。但同日本人做生意講關係，略懂日文的John這時便派上用場。John：「日本人都係鍾意將最好嘅留喺自己國家，唔係有錢就得。如Legend設計師吉原直，佢視產品為親生仔女咁，一定要知道你嘅背景，亦因我哋有入OZAbstract的關係，設計師會私下問另一個設計師我哋信唔信得過，同時都要陪吓佢飲吓嘢、玩吓咁，有咗信任之後再慢慢混熟，先拎到獨家權。」一談起吉原直，Eric佩服地道：「佢間店一半係賣銀、一半係工場，早上八點開始打銀直至凌晨十二點，手工連日本著名銀器店Zocalo老闆都認為佢係全日本頂班人馬。由於是手做，每款數量通常不過數隻。試過早前就有個客買了幾萬元銀器。」

■吉原直（中）於Opening當日秘密來港視察DressCode環境，留港一天即回日本，夠晒Surprise。

■John（左）及Eric直言靠賣銀器不會發達，只希望香港銀器巿場能如日本般成熟。

■《我Miss係大佬3》中，三浦春馬等㗎星均戴上BBM飾物。

■主唱《NANABEST》動畫女歌手Olivia，曾於07年的《SilverAccessoriesStyle》Magazine以BBM飾物上陣。

日人將最好的手藝及產品留給自己，這點的確令小記最為敬佩及羨慕。以往但凡日本藝能界明星演員戴某某飾物都列作頂級靚貨，人人例必爭追。John：「BigBlackMaria可說是較為Fashionable，創辦人青山正隆喺日本擁有相當知名度，唔少藝能界人士亦有戴。如日本Rock界教父淺井健一、樂隊BUCK-TICK、Ra:IN等設計服飾銀器，日劇《我Miss係大佬3》內都有出現過。話說當年MichaelJackson準備全球演唱會時亦計劃用BigBlackMaria製作飾物。」現時兩位店長都會同時坐鎮於新店，John主力對外Sell客，Eric則負責入貨事項，一動一靜繼續走他們的銀色事業。

■取自Eric父親年代的手提包作擺設，距今已有40多年。

■Dualflow半面具樣戒指$3,968、Dualflow骷髏頭吊墜連頸鏈$5,798、Parasite黑色圖案Tee$598

■Parasite長方形戒指$4,068、Parasite耶穌頭戒指$4,668、Parasite耶穌頭吊墜$3,768、Parasite黑色Tee$598

■BigBlackMaria孔雀戒指$3,398、BigBlackMaria骷髏手鏈$5,798（左）、BigBlackMaria十字手鏈$4,598（右）、BigBlackMaria藍寶石吊墜（中、不包鏈）$3,398、BigBlackMaria紅玻璃珠頸鏈$1,568（上）、BigBlackMaria甲蟲角頸鏈$1,968（下）、Parasite牛仔布恤衫$1,098

Legend由日本著名雕金師吉原直創立，所有銀飾都是一人手製。羽毛和唐草紋最為Signature，以纖細手工打造出粗幼不一羽毛紋理，更具立體。

Dualflow由日本蠟雕（做銀術之一）師杉山孝博創立，特色是以精細手工刻出各樣面具動物形狀。

雲想衣裳：㗎星熱捧 獨賣東瀛銀樣

雲想衣裳：㗎星熱捧　獨賣東瀛銀樣