夏日炎炎三十幾度，唔好話去郊遊，平時返工在石屎森林，空氣唔流通、加鏡面反射，都有中暑危機！所以大家出街時記得要有一「扇」在手，隨時令你轉危為安！
記者：陳家蕊
攝影：黃子偉
Model:Ruby、Kazef@PureModels
燥底原來就中暑
好多人都以為，中暑一定要在陽光底下，走訪香港攀山專家鍾建文：「就算在陽光不太猛烈的日子，可能空氣的濕度高，本身的汗一直揮發不去，同樣會引致中暑！」
家庭醫生關嘉美亦同意，香港又濕又熱的天氣，即使普通街上行走，亦可能會中暑，而中暑前會經過一個「熱衰竭」過程，可能你不會感到口渴，反而在情緒上出現暴躁或是比平時的情況，同時亦會感到十分疲累，如果這個時候不多喝水、到陰凉的位置令身體休息降溫，當身體的核心體溫高達40℃時，心臟、腎臟等功能就會開始衰竭，令人中暑！
中暑前徵兆
1.情緒變得煩躁
2.頭暈頭痛
3.氣促及呼吸不順暢
4.皮膚乾而不出汗
5.手腳乏力
潮掛iFan 輕風拂面
平時行街只要有足夠水份，保持身體的乾爽，多用毛巾或濕紙巾為自己降溫，其實亦可降低中暑機會；可是濕熱的香港天氣，及空氣唔流通，都係中暑成因之一！為了自己着想，一把電動風扇放在袋中真係唔少得！
今年的手提風扇仔，主流趨向盒仔式設計！好處係少了扇葉部份，出風位置在盒頂，所以只要用頸繩繫於頸上，就可以做到輕風拂面，連拎都唔使拎。專賣創意產品的MySweetHouse，今年推出了iFan盒形風扇，雖然厚度有成三部真iPhone的份量，但單單睇正面，真係可做到以假亂真！近年勁Hit的無扇葉風扇，超搞笑地出了手提版，風力雖然較一般，但勝在開動時較寧靜！
冰鎮動脈 急降體溫
如果感覺身體有過熱情況，其實可以用冰冷的東西或者水，輕拍在手腕內側或頸動脈（主要血液流經的地方），這樣可以馬上降低血液溫度，從而令你身體急降溫！
冬天有暖包、夏天亦有冰包！ThePost今夏貼心推出了可帶出街的冷包，有水泡及企鵝造型，畀你想幾時凍就幾時凍。另外，亦有夏天專用的毛巾，可以包住頭部，等你唔使曬親之餘，又可以吸汗，鍾建文亦表示，頭部防曬好重要，現在條毛巾仲要咁靚，出街入冷氣地方時用都唔會覺得有問題。
a.MySweetHouse（81014788）
b.JCShop（31022783）
c.Francfranc（34273366）
d.ThePost（31224228）