慶鈴（1122）連埋上星期五除息效應，又跌到近三年「長城鋼價」，。呢期阿爺開始出手谷經濟，汽車係其中一瓣受惠行業，而重慶市亦率先宣佈新一輪「汽車下鄉」，向當地購買小排量微型客車及輕微型貨車提供6%補貼。慶鈴近水樓台，食正國策，加埋本身主打車種，就係獲補貼類型。就好似08年金融海嘯後期，隨住刺激政策發揮效應，對慶鈴嘅中期業績，會有好大支持。Beforethat，慶鈴家陣得11倍PE，就當本年度純利同上年差無幾，呢個PE水位唔係貴。再講，慶鈴手頭淨現金高達51億港銀，超級現金牛，冇有怕。慶鈴已經挨近三年嘅大型橫行支持1.87元，實兜轉，博上返半年橫行頂2.5元，要升34%，PB未有耐到一倍。
勤+緣價殘折讓大
勤+緣（2366）最近獲爆棚哥陳國強旗下錦興（275）購近10.7%，計計數，每股成本價0.1元。勤+緣現價（9.7仙）仲要輕微潛水。又勤+緣連埋前排供股，每股NAV都有0.35元，現價係大幅折讓73%，以祖國主打嘅媒體股，勤+緣真係殘到爆炸。呢轉跟爆棚哥上車，勤+緣翻半番咁計，上到0.14元，折讓仲係高達60%。
錢雋