前南華球員陳肇麒（陳七）的花邊新聞多籮籮，連陳七前女友李綺雯（妹）前晚上無綫《2012歐洲國家盃》節目，也慘成被玩對象。妹表示已沒有與陳七聯絡，還慶幸現任男友不是花心漢。
歐國盃昨日凌晨在波蘭華沙舉行揭幕戰，無綫直播波蘭對希臘賽事，前晚除邀請陳百祥（阿叻）擔任嘉賓主持外，無綫藝人李綺雯、阮兆祥、錢嘉樂和馬國明等也有上電視城一廠講波。
錢嘉樂踩多腳
曾與陳肇麒拍拖的妹成為被玩目標，阿叻自稱叫「阿七」姓陳，並笑着問妹﹕「阿七有冇話你知邊隊會贏？」搞到妹在鏡頭前十分尷尬，不懂應對，嗲聲嗲氣向錢嘉樂求助，可惜嘉樂不領情，還踩多腳說：「咁你係鍾意踢足球吖嘛。」妹無奈回應：「哎吔，分咗手嘞！」
事後妹被取笑與足球有不解之緣，她避談說：「我諗全世界人都關注歐國盃，今次無綫可以播四場賽事，揭幕戰梗係要嚟支持TVB！」她還擺阮兆祥上枱，指因為祥仔才上節目，剛巧經過的祥仔即說：「我哋有嘢㗎，真嘢唔好攞出嚟講。」
妹表示與陳七已沒有聯絡，對陳七最近成功箍煲，與正印女友劉雅婷（Toby）復合，問花心男是否真的值得原諒？妹說：「總之我家個男友唔會咪得囉，其實呢件事我當娛樂新聞咁睇，唔需要關心，大人嚟㗎嘛。」
講爆房陰陰笑
爆房女張可義（Emily）自稱去時鐘酒店沒爆房，妹陰陰笑說：「唔知呢，佢話乜咪乜囉。」至於阿叻被問到李克勤在now講波，他自言很期待與好友隔空講波。
採訪：楊潔雯 攝影：仇志德