郭富城完成咗跨年嘅17場舞臨盛宴演唱會後，即刻還片債、廣告債，7月就會為舞臨盛宴世界巡迴演唱會瞓身綵排，第一站係8月，喺台北小巨蛋演出，城城今次以台北為首站好有意思，因為台灣係佢成名嘅福地，就好似衣錦還鄉咁，台灣粉絲知佢開騷，網上開始賣飛，歌迷會內部即刻搶飛，有海外粉絲仲組團飛去台北。