賭齡超過20年的阿聰（化名），見證外圍賭波謀財害命。「最初接觸賭波係經一個好朋友介紹，喺茶餐廳接觸外圍集團艇仔，自此成日聚埋一齊睇波賭波」。
主動求助戒賭機構
其後馬會推出合法賭波，阿聰曾轉為正途博彩，但不久又被外圍的優厚賠率吸引。「嗰陣賭外圍變成網上投注，越方便就賭得越多。由英超賭到西甲、西甲賭到清晨開波嘅巴甲，完全冇心機做嘢」。
2010年世界盃，阿聰已瘋狂到每注豪賭5,000元，遠超其工資可以負擔。準決賽德國對西班牙，他重鎚買德國贏，早年推薦他賭外圍的摯友，更典當所有財產，「瞓身」買德國。「結果我哋輸晒，呢個好朋友逼到走投無路，最後跳樓身亡。呢個教訓畀我當頭棒喝，主動求助戒賭機構，經輔導後成功戒賭，學識有錢都留低嚟同老婆仔女食餐好嘅，好過倒錢落海」。
為阿聰成功戒賭的東華三院平和坊，為應付歐國盃期間可能暴增的求助個案，已經增加人手接聽電話，歡迎有需要市民致電28274321查詢。
《蘋果》記者