六四硬漢李旺陽不明不白的離開了，23年後再添寃魂。正於中聯辦外進行72小時絕食的陶君行，由大學生時代的學聯秘書長，至今日的社民連行政委員，直言抹不去畢生難忘的六四回憶。當年的夥伴紛紛退下火線，他仍緊記八個字，「不想回憶，未敢忘記」。
這些年來六四的抗爭有起有伏，但六四未見平反，陶君行不時反思，「係我哋做得唔夠？定係中國改變唔到？」他常以台灣二二八事件及布拉格之春等革命，也經歷了好些年才平反自勉，「需要堅持、耐性，咁快放棄，笑得最燦爛係當權者」。
冀港人為正義站出來
六四事件影響陶君行從政，政治需要妥協，但每想起六四就妥協不來。已有17年未嘗絕食的他承認，不再天真地以為絕食可得到當權者憐憫，只是以卑微力量尋求真相。提到李旺陽「被自殺」，他口裏不斷說着「太離譜」，也希望這次絕食終結時，在中聯辦看到人群洶湧，港人為正義站出來的一幕，「人總有基本是非對錯，唔走出嚟，冇真理。話畀人知香港人仲係人，有知覺，等人覺得中國人仲有少少文明」。
李旺陽的生命挽回不了，陶君行淚流滿面，他的主觀期望是，「今次對中央政府係一個缺口都唔定」。不過，對於建制派立法會議員對李旺陽事件的言論，他卻難忍憤怒，直言不是人的行為，「如果我係佢，我頂晒籠都係唔出聲，我就唔會掉番轉頭講，喺度塗脂抹粉。做建制派還做建制派，都唔應該埋沒良知」。
《蘋果》記者