【記者余睿菁、伍雅謙報道】愛試新衫是女士天性，但試身室原來已成為走光黑點！近一個多月來，接二連三發生女士在試身時，布簾突然被人拉開；有人在網上分享慘痛經歷，引起熱烈討論和共鳴。女士們，小心！
大學生羅小姐在PULL&BEAR鑽石山荷里活廣場分店試身時，突被20多歲男子拉開布簾。「我試緊件露背裝，喺塊鏡見到佢即刻擰轉身，畀佢睇到個bra（胸圍）。個男仔話唔係有心，拉番簾就走」。由於當時試身室只有她在試身，故懷疑男子有心偷窺。羅小姐激憤說：「我好嬲，點解冇人睇住個試身室任由人拉開布簾？」
「報警都唔知告乜罪」
杜小姐於銅鑼灣UNIQLO試衫時突遭拉開簾被迫半裸人前。「嗰一刻好快，睇唔到係男定女」。楊女士更在試胸圍時出事，她在銅鑼灣崇光百貨內的PrivateShop試胸圍，「職員幫我拉簾，點知換換吓有個女人拉開簾，佢用普通話講不好意思，如果係男人我一定報警，但係都唔知屬乜罪」。網上近日有女學生「呻」試衫時突被小孩扯開布簾，外面有兩個男人在笑，因而被激到哭。
部份店舖無人看守
《蘋果》記者到上述三品牌分店，發現PULL&BEAR試身室無人看守，布簾上無鈎無魔術貼。UNIQLO試身室布簾有掛鈎，接到投訴後加裝魔術貼，並有店員值班。PrivateShop則只以無鈎無魔術貼布簾圍住試身範圍，店員說：「唔使擔心好安全，唔會有人無端端揭起塊布。」
關注婦女性暴力協會總幹事王秀容批評，拉布式試身室對婦女欠保障。明愛向晴軒督導主任郭志英指，故意拉開布簾是一種性騷擾行為，建議店舖應在試身室加設木門，或於布簾多加掛鈎。室內設計師陳禮善則指，布簾較木門慳位，但布簾即使加掛鈎也無法確保不被掀開。
法律解碼
證據不足難入罪
律師梁永鏗表示，在試身室被拉開簾偷窺，有舉證困難。「呢啲好講證據，好難告得入，你點證實佢有意定無意，除非有人睇到佢偷偷地開（布簾），又或者閉路電視影到佢之前已經鬼鬼祟祟」。他指即使控告，也只能告對方在公眾地方違反體統罪，而且屬普通法，刑罰由法官決定。
《蘋果》記者