方力申爸爸方毓仁從事藝術品買賣，前晚喺海港城出席中國現代藝術展，同場仲有前男模候維德。方父唔願上鏡，急急離開，最後先肯同藝術家合照，但仍擰轉頭迴避鏡頭。候維德轉型做製作人，問佢識唔識裸照案中嘅富家公子劉定成？佢話：「喺活動見過，唔算認識，後生都有人搵過我拍裸照，但我冇影過。」