「狂牛」西班牙喺首席前鋒韋拿因傷落選之後，球迷最關心嘅自然係邊個會代替韋拿，於下周日鬥意大利時擔正。之前外界普遍認為唔係洛蘭迪就係費蘭度托利斯（費托）；不過，最新消息係，擔正嘅可能係西維爾嘅尼格度！因為喺日前西班牙嘅操練中，上晝一課擔任主力隊嘅前鋒係尼格度（右），到下晝時就變咗費托（左），反而洛蘭迪就冇影囉。