記者曾以顧客身份，到新界東其中一間中銀分行。接待的是一名男助理個人銀行經理，記者一時查詢人壽和旅遊保險事宜，一時又話要開設理財和投資戶口，他仍不勝其煩細心講解。當他推銷完各項產品後，記者故意試探，表示有興趣嘗試銀行業工作，他即苦笑說「我哋冇花紅，獎金又少，仲俾人捽數，唔夠數又會俾人照肺，你考慮吓先啦！」
當問及曾否被人投訴時，他即略顯激動，更大爆最近被迫寫悔過書的悲慘經歷，「上司話我個客喺服務調查報告畀咗我八分，十分係滿分，本來都幾好吖，但九分先合格呢！」不過他表示只會做好自己，不會乞求客戶給高分，「何況要做咁多嘢，邊記得要做呢啲嘢（提醒客戶在服務調查中給滿分）」。
銀行業僱員協會副總幹事譚建新指出，自從雷曼事件後，銀行重新擬訂多項營銷準則和行政手續，員工要在短時間內消化和適應，壓力已非常大，「因為有乜做漏咗，員工會有責任上身」。作為公司重要資產和夥伴，譚希望銀行能多行人性化的安撫措施，例如增加福利，改善勞資關係。
《蘋果》記者