年紀輕輕就有一身橫練嘅筋骨，簡直係百年一見嘅練武奇材，如果有一日，畀你打通任督二脈，你仲唔曉飛天呀。」今次這番說話並非形容《功夫》裏的少年版星爺，而係講緊全新豐田86的潛能與特性，而眼光獨到的亦非披頭散髮的嘍囉，而是官仔骨骨、冠軍級車手馮文偉，為86詳細把脈後的心得。
記者：蕭漢祥
攝影：蔡家輝
車身設計宜改少量
今次豐田86與馮文偉（Samson）的約會，全靠富利堡一手撮合，除了因為他們部86來貨快有得試之外，亦多得老闆EricWong邀請這位2011年澳門電訊盃冠軍車手，暫時放低生意幫這部新車把一把脈，睇吓佢內功有幾深厚。由於時間關係，Samson前來拍攝之前，就已經從西貢駕出市區劈了一轉，窄路多彎上山落斜乜都試齊。
試車後，Samson對86的性能先賣個關子，反而大談新車的外形：「原廠的車身設計已經幾靚，但若然我是86的車主，我會加裝裙腳、頭唇，還有一隻細小的尾翼，而車身一定要調校低少少，因為以我所見原裝的車身都比較高，睇落外觀上尚欠些少，改一改就必定好靚仔。」
任督二脈有待打通
豐田86其中一個亮點，是動力核心採用2公升D-4S直噴引擎，備有可變進氣系統。在低速時，系統因應多變的負荷而自動選擇歧管或直噴油嘴供油；稍稍提升至中速時，系統改為只用氣缸內直噴供油，使燃燒反應更好更快捷；當引擎達到高速運作、高負荷的狀況時，歧管油嘴及缸內油嘴同時供油，達至最高效能。今次測試的是自動波版，可能由於廠方對引擎轉數及波段轉變設置限制，令Samson多次試圖拖波、提高轉數玩甩尾，即使關閉循跡控制系統（TRC）亦未能成功，所以認為可能要從電腦入手進行改動。
Samson覺得新86在設計上繼承了AE86的理念，車架設計樂趣無窮，不過就對引擎的調校留下伏筆，「原廠設定的86，相信目標為普通街道使用，所以車架與馬力比較之下，後者設定較為保守。」引擎只需要適量改動，打通任督二脈，馬力自然匹配車架的水準，例如現時使用普通的風隔及「扮粗」的燕子喉，只要改為高流量的風隔、尾喉及快Cam，同時強化制動系統就夠掂。他估計新86的車架，能夠承受改裝至300匹的馬力，改造潛能相當高。
Toyota86GT（日本版）
引擎：1,998cc水平對向四汽缸
馬力：200PS/7,000rpm
扭力：205Nm/6,400-6,600rpm
傳動：六前速自動波連+/-，後驅
售價：$429,000（上會價）
查詢：28776700（富利堡）