加盟咗金牌大風嘅張繼聰同無綫簽咗歌星合約之外，原來最近仲同無綫簽埋演員合約，嚟緊會首次幫無綫拍攝新劇《老表，你好嘢》，同郭晉安、萬綺雯等合作。聽聞劇中張繼聰會同王祖藍拗手瓜爭王菀之，三個人大搞三角戀，但張繼聰最後竟然輸畀王祖藍，真係瘀皮。家張繼聰身在內地拍電影，佢仲將開工相放上微博。