球市靜咗一排，賭二、三線波，有時真係刨完都唔知刨乜，輸咗都不明不白，等到歐國盃今晚終開打，波友自然興奮。但聯賽水準越高，對一些爭標分子遺害越大；小休兩、三周叫班球星再谷行衝過，擺個神級嘅摩連奴上去教都死啦。信名牌者，小心好似名股評人講買高PE奢侈品股，因住做「阿福」！
歐國盃唔算大型，今屆仲要去到小弟認為係「山旮旯」嘅波蘭同烏克蘭踢，班大球星嘅決心同狀態演繹如何？賽前扮專家無謂，推介講球隊盤路更廢。真係實牙實齒下注者，何不當歐國盃1.0版本重新出發，起初小注試探，吼準第2輪重槌。睇番上屆瑞士奧地利合辦一屆，有樣數據都幾硬淨，就係首8場波大利「細」（8場佔6），仲要去到第3輪「雙料娛樂」先開第1場「大」。當然「細」分頭暫時幾薄，但大家當試探，2串1賭一注分頭算唔錯；玩齋W，同全世界一樣，博波蘭啦。
文：蘋果波神
今日心水
熱：波蘭勝
冷：波蘭勝1:0、2:0