日前英格蘭後衞加利卡希爾因傷退隊，原本里奧費迪南以為有機會補選入伍，點知鶴臣就揀咗利物浦小將馬田基利，里奧繼續被英軍拒諸門外。擁有81頂喼帽嘅里奧，之後走咗去塞浦路斯度假，享受陽光與海灘（圖），暫時放低失落嘅心情，不過里奧講過話雖然冇份入選歐國盃大軍，不過佢依然會走去酒吧同英格蘭打氣。