近年主力登台出騷同經營玉石生意嘅李蕙敏，噚日同張立基、饒珮君等現身西九龍中心，為亞視嘅《亞洲星光大道5》擔任評判。早前有報道話李蕙敏生意失敗，佢即刻要澄清：「啋，絕對冇咁嘅事，我係俾奸人所害，對方以前做幕後嘅，有人指使佢，可能妒忌我生意好，其實我係小本經營，真係唔使妒忌。」李蕙敏又話家有拍拖。