方中信同莫可欣嘅囡囡迦晴已經四歲幾，家讀緊幼稚園，方中信做咗老竇後，亦由粗獷型男變成廿四孝老竇，經常湊囡囡四圍玩。噚日方中信喺微博貼上佢同囡囡嘅合照，原來囡囡噚日第一次上台表演芭蕾舞，方中信當然要去現場為佢打氣，更落手落腳親自為囡囡化妝，不過唔知係咪佢手勢麻麻，囡囡只係識得呆望住老竇。