「腦殘」巴洛迪利（圖）早前講明，歐國盃期間如果受到種族歧視，唔排除即時行出球場罷踢，以示抗議。佢講完冇幾耐，歐洲足協會長柏天尼就鄭重聲明，提醒「腦殘」唔好亂嚟；如果有球員踢踢下擅自離場，即係犯規，亦好唔尊重球賽，球證按規則會出示黃牌，而且佢同意大利足總仲會受罰，最直接嘅當然係禁賽同罰錢啦！