熱火大前鋒保殊（圖）因為腹肌傷患，特登請咗個治療師上門幫佢做按摩治療；點知星期一晚呢位治療師去到保殊屋企，突然間心臟病發，送院不治。保殊夫婦星期二發表聲明，講番事發經過，亦為事件感到惋惜。同晚比賽熱火輸波，保殊賽後話好開心可以打波，因為呢樣係佢最熱愛嘅事。又係嘅，可以活着做自己鍾意嘅事，的確唔係必然。