無綫花旦陳法拉昨日以歌手身份到紅磡新城電台接受訪問，她表示新歌將於日內面世，目前心情是既緊張又期待。
拍唱片封套
陳法拉表示新歌歌名為《一半》，講述一名寂寞少女在家的心情，已有男朋友的她笑言會盡力投入演繹，她說：「我演員嚟㗎，所以冇問題，不過男朋友都未聽過呢首作品，我諗住一視同仁等佢同聽眾一齊聽到，唔會有例外。」
法拉又透露日內會為唱片拍攝封套，她希望可以用較搖滾的造型出現，她說：「公司就梗係想我靚靚嘅形象，我就想rock啲，性感都可以，不過要睇歌配合。」
陳法拉表示新碟內會有快歌及慢歌，大都以抒情為主，亦會拍MV但就不會找男朋友出鏡。
採訪、攝影：卓寶花